రేవంత్ రెడ్డి మీద అభిమానం
పాదయాత్ర చేస్తున్న యువకుడు
మన సాక్షి గొంతుక బచ్చన్నపేట మండలం
జనగామ జిల్లా, బచ్చన్నపేట మండల కేంద్రానికి చెందిన కాంగ్రెస్ పార్టీ కార్యకర్త వగలబోయిన శ్రీకాంత్ గౌడ్ కొడవటూరు నుండి యాదగిరిగుట్ట వరకు 8వ తేదీన రేవంత్ రెడ్డి జన్మదినోత్సవ సందర్భంగా వారు ఆయురారోగ్యాలతో ఉండాలని పాదయాత్ర చేస్తున్నారు. ఈ సందర్భంగా బచ్చన్నపేట మండల కేంద్రం వరకు చేరుకున్న పాదయాత్రలో సీనియర్ నాయకుడు బాలకిషన్ గౌడ్ కాంగ్రెస్ పార్టీ నాయకులతో కలిసి పాల్గొని యువకుని అభినందించి, శాలువతో సన్మానించారు. అనంతరం యువకుడు వగలబోయిన శ్రీకాంత్ గౌడ్ మాట్లాడుతూ శుక్రవారం రోజున సీఎం రేవంత్ రెడ్డి జన్మదినం సందర్భంగా పాదయాత్ర చేస్తున్నామని, వారు ఆయురారోగ్యాలతో వర్ధిల్లాలని సిద్దేశ్వరుడి ,యాదాద్రి లక్ష్మి నరసింహ స్వామి ఆశీస్సులు రేవంతన్న కు ఉండాలని ప్రత్యేక మొక్కలు చెల్లిస్తున్నట్టుగా తెలియజేశారు. చెప్పిన విధంగా ఆరు పథకాలను అమలు చేసి రానున్న రోజుల్లో రేవంతన్న ఆధ్వర్యంలో మరెన్నో సంక్షేమ పథకాలు రానున్నాయని అన్నారు. యాదగిరిగుట్టకు రేవంత్ రెడ్డి జన్మదిన సందర్భంగా వారు రానున్నారు కాబట్టి వారిని కలవనున్నట్లు తెలియజేశారు. ఈ సందర్భంగా మైపాల్ రెడ్డి, రాజిరెడ్డి, సందెల రాములు, కంఠం కరుణాకర్ ,మోహన్ రెడ్డి ,సిద్ధులు,సంజయ్, భాస్కర్ చారి, రాగిరి సత్తయ్య తదితరులు పాల్గొన్నారు
