ట్విట్టర్లో ట్వీట్‌(మెసేజ్)తో స్పందించిన ఆర్టీసీ అధికారులు
బచ్చన్నపేట బస్టాండ్ లో మరమ్మత్తులు
గత కొన్ని సంవత్సరాలుగా బచ్చన్నపేట మండల కేంద్రంలో బస్టాండ్ ఆవరణలో ఉన్న మరుగుదొడ్లు పరిశుభ్రంగా లేక పోవడంతో మహిళలు, విద్యార్థులు ఇబ్బందులకు గురవుతున్నారని టీఎస్ఆర్టీసీ ,ఎండి సజ్జనర్ కు ట్విట్టర్లో బచ్చన్నపేట మండల యువకుడు వడ్డేపల్లి యాకం రెడ్డి ట్వీట్‌ (మెసేజ్) చేయడంతో అధికారులు స్పందించారు. బస్టాండ్ ఆవరణలో మరమ్మత్తులు పనులు చేపట్టారు. ఈ సందర్భంగా యువకుడు వడ్డేపల్లి యాకం రెడ్డి మాట్లాడుతూ మహిళలు, విద్యార్థులు ఇబ్బందులకు గురవుతున్నారని ట్విట్టర్లో ట్వీట్‌ చేయడంతో స్పందించినఆర్టీసీ ఎండి సజ్జనర్ ,మంత్రి పొన్నం ప్రభాకర్ కి ప్రత్యేక ధన్యవాదాలు తెలియజేశారు .ఇట్టి పనులు త్వరగా పూర్తిచేసి మహిళలు పడుతున్న ఇబ్బందులను తొలగించాలని కోరారు. అదేవిధంగా బస్టాండ్లో ప్రయాణికుల కోసం మంచి నీళ్లతో కూడిన ఫ్రిజ్ ను ఏర్పాటు చేయాలని కోరారు.
