అమెరికా అధ్యక్షుడుగా గెలిచిన డోనాల్డ్ ట్రంప్
డోనాల్డ్ ట్రంప్ విగ్రహానికి పూలమాలలు, పాలభిషేకం
కొన్నే గ్రామంలో సంబరాలు
మన సాక్షి గొంతుక బచ్చన్నపేట మండలం
అమెరికా అధ్యక్షుడుగా ట్రంప్ గెలవడంతో జనగామ జిల్లా, బచ్చన్నపేట మండలం, కొన్నే గ్రామంలో సంబరాలు జరుపుకున్నారు. ట్రంప్ విగ్రహానికి పాలాభిషేకం చేసి ,పూలదండ వేసి పూలాభిషేకం చేశారు. ఈ సందర్భంగా వైయస్ జగన్ అభిమాని బొడ్డు ప్రవీణ్ మాట్లాడుతూ అమెరికా అధ్యక్షుడుగా ట్రంప్ గెలవడం సంతోషకరమైన విషయం అని అన్నారు. వారికి తెలుగు ప్రజలపై అభిమానం ఎక్కువ అని, అక్కడ ఉన్న తెలుగు ప్రజలకు వారి సహకారాలు ఎప్పటికి ఉండాలని కోరారు. గతంలో బుస కృష్ణ ట్రంప్ అభిమానిగా కొన్నే గ్రామంలో విగ్రహాన్ని ఏర్పాటు చేయడం జరిగిందని. అతను ఇప్పుడు మనం మధ్యలో లేకపోవడం బాధాకరమైన విషయమని అతను ఉండుంటే ఎంతో సంతోషపడే వారిని అన్నారు. ఈ సందర్భంగా ట్రంప్ కు తెలంగాణ రాష్ట్రం కొన్నే గ్రామం నుండి శుభాకాంక్షలు తెలియజేశారు. ఈ సందర్భంగా గ్రామ ప్రజలు అంబాల ఆగయ్య, శ్రీకాంత్, తాటికొండ నరసింహ చారి, యాట రమేష్, మాదయ్య, తదితరులు పాల్గొన్నారు.
