బిఆర్ఎస్ పార్టీకి బిగ్ షాక్ !
-: కాంగ్రెస్ పార్టీలో చేరిన తరిగొప్పుల మండల బిఆర్ఎస్ సీనియర్ నాయకులు జొన్నగొని కిష్టయ్య
మన సాక్షి గొంతుక /తరిగొప్పుల,
పార్లమెంట్ ఎన్నికలు సమీపిస్తున్న వేళ బీఆర్ఎస్ పార్టీకి బిగ్ షాక్ తగిలింది. తరిగొప్పుల మండల్ అక్కరాజపల్లి మాజీ ఎంపీటీసీ మాజీ సర్పంచ్ టిఆర్ఎస్ సీనియర్ నాయకులు జొన్నగోని కిష్టయ్య కాంగ్రెస్ పార్టీలో చేరారు. జనగామ డిసిసి అధ్యక్షులు కొమ్మూరి ప్రతాపరెడ్డి, కాంగ్రెస్ పార్టీ తరిగొప్పుల మండల్ అధ్యక్షుడు వగలబోయిన యాదగిరి,కాంగ్రెస్ ముఖ్య నేతల సమక్షంలో కిష్టయ్య కాంగ్రెస్ కండువా కప్పుకున్నారు. గురువారం కాంగ్రెస్ పార్టీ జనగామ జిల్లా కార్యాలయంలో ఏర్పాటుచేసిన సమావేశంలో డిసిసి అధ్యక్షులు కొమ్మూరి ప్రతాపరెడ్డి వారికి కండువా కప్పి పార్టీలోకి స్వాగతం పలికారు. ఈ సందర్భంగా వీరితోపాటు పలువురు బిఆర్ఎస్ నాయకులు, మండల నాయకులు, జిల్లా నాయకులు బిఆర్ఎస్ కార్యకర్తలు పెద్ద ఎత్తున కాంగ్రెస్ పార్టీలో చేరారు. పార్లమెంట్ ఎన్నికలు సమీపిస్తున్న తరుణంలో బిఆర్ఎస్ పార్టీకి భారీ షాక్ తగిలింది.
